AENEZEN GROE

N'a brauet o mem bro chouquet é creis er mor, tair leàu ér moez !
A bél, AEnezen Groe, guet hé divréh digor, zou ur Roannez.
Er haerèg tro-ha-tro hé goarn hag hé divenn doh en amzer ;
En haed, er boquetteu e zaspun drest hé fenn ur gouronn goer.
Na bràuet o mem bro p'hé guélan de-sàu-héaul, épad mis Mai,
Pe sàu a zan er glouih, peb mitin, a pe daul ar hé discoài
Hé mantèl glazadur, sembol ur youanquis dalhmat nehué ;
Ha dan sclerder en dé, pe huélan hé Hilis Palaez men Doué !
Na bràuet o mem bro, astennet el ur groèz o creis er mor !
Hanval o doh ur lest, anseigneu ol ar voez, gouilieu digor.
En héaul, guet hé splander, hé lihue hag hé displég él ur boquet ;
Hag en aenet o hra tro-ha-tro hou muzég d'em hro caret.
Na bràuet o mem bro, un noz lan a stéred, pe sàu er loèr !
Ihuel doh en audeu, hi daul hé forteled én hé miloèr ;
Ha deriaz er mor-tan e zibunn guet respet mil goléuen
Aveit splannein hé gloèr ha discein d'en AElet me Haenezen.
Na bràuet o er mor dirac en audeu don, digabestet,
Pe grapp en ur gornal, pe hum stoq, pe chumon, lon counaret !
Drest en tampest trouzus, mem bro èl ur hastèl e sàu hé fèn ;
Hag, izél doh hé zreid, er chum guen e vrancèl ur gouronnen.
Maes bràuoh o mem bro ar hent er Barouéz, lan a vuhé,
Pe sènt doh hé Bugul hemb héliat jamaez tud dida hué.
Pe huélan mem-brois lerh-ha-lerh doh er scuèl e gass d'en nean,
Bràuitérieu en doar e ya guet en ahuél, dirac m'inean.
M.GOURON.


Tennet am eus ar son-se deus ar hazetenn :"LA CROIX DE L'ILE DE GROIX", ar bloa 1891 an deiz ar 23, miz eost.